Manera ta kustumber atrobe MAN, den persona di Sr Urvin Mackaay, ta trata di falsifiká historia mustrando atrobe MAN su inkonfiabilidat i labamentu di MAN konsistentemente.

 

Sr. Mackaay, ta buk e 5.000 mion di e debe nashonal aktual riba PAR . Komo ku nos ta haña ku pueblo mester ta bon informá , nos ta haña nos fòrsa pa kada biaha ku MAN hisa su MAN i trose bèrdat, nos para nan.

 

E bèrdat dokumentá ta, ku dia PAR a drenta Gobièrnu Sentral pa promé biaha na 1994 el a hañ’é un debe nashonal riba papel di 2300 mion, ku PAR no a krea. MAN sí tabata tei, sea den koalishon o oposishon.

 

Esei lo no tabata un problema hopi grandi, Pero ora PAR a drenta Gobièrnu Insular e siguiente aña pa promé biaha na 1995, ela bin hañ’é ku un sorpresa desagradabel. E ora ei numa a bin sali na kla ku e “boel” en bèrdat ta grandi. A hasi un inventarisashon i a bin sali na kla ku tabatin 1700 mion MAS na debe skondí, ku no tabata registrá ofisialmente.

 

E debe aki tampoko NO ta PAR a krea. Atrobe: Man si tabata tei, sea den koalishon o oposishon. Entre de debenan aki tabata tin: 

Si nos konta e 1.700 mion di debe skondí aki ku PAR NO a krea i riba e suma konosí di 2.300 mion ku PAR tampoko NO a krea, ya nos a yega na 4000 mion na debe nashonal. No ta PAR a krea e 4000 mion aki, ya ku simplemente e no tabata eksistí komo partido. MAN si tabata eksistí, sea den koalishon o oposishon.

 

Ta e situashon deplorabel aki, gran parti skondí pa pueblo, a buta ku mester a bini ku tantu medida asina sino e défisitnan i e debenan lo a bira hopi muchu mas grandi ku nan ta aworakí.

 

E debe nashonal di 4000 mion aki durante e siguiente 10 añanan, (di 1996 te ku 2006) a subi ku 1.000 mion pa tur dos gobièrnu huntu: tantu teritorio Insular di Kòrsou komo Gobièrnu Sentral. Esaki ta un averahe di 50 mion pa aña pa kada gobièrnu. Durante di e 10 añanan aki MAN tambe i no solamente PAR , i kasi tur otro partido, a figurá den gobièrnunan di turno. Tur esaki ta dokumentá.

 

Pues pa resumí:

 

 

Nos ta konsehá  Sres. Cooper i Mackaay pa tuma kontakto ku esnan mas baké den MAN pa haña sa kiko MAN su ròl tabata sea den koalishon o oposishon tokante e 4.000 mion di debe ku nan a yuda krea. Ta nan, komo representate di pueblo di e tempu ei ta ko-responsabel pa e kousa real di e desgrasia ku nos pueblo ta den.

 

Tur hende ke sa e bèrdat real i no esun falsifiká. Nos di PAR, komo esnan inhustamente kulpá i nos pueblo en general ta sinta warda ansiosamente pa MAN hisa su MAN i bin informá nos trankilamente den prensa lokal. E 4.000 mion aki mester un splikashon.