Mike Willem

Partido PAR ta kontentu ku tin un konshenshi nashonal ta lantando, ku mester tin un manera transparente i profeshonal pa atende ku nobramentu di ekekutivonan di kompania- i fundashonan di gobiernu.

De hecho, esaki ta tambe e loke a keda palabra den e akuerdo di gobernashon di e proksimo gobiernu. Nos di Partido PAR ta di opinion ku esaki ta imperativo, pa por garantisa e pais aki su efisiensha ekonomiko i posishon kompetitivo. 

Partido PAR tambe ta konsiente ku den pasado kisas tur partido a hasi nan mes kulpabel na e fayonan ku awe ta manifestando nan mes, i ta bon ku tantu sindikalismo, komo trahadornan, pero tambe politikonan (de facto henter e komunidat) ta indika, ku en todo kaso no por sigi asina. Nos di PAR en todo kaso tambe ta komparti e sentimentu aki, i awor ta e momentu oportuno pa nos jega na e forma pa nos sali for di e situashon eksistente, pero tambe pa evita e praktikanan aki pa futuro.