Página prinsipal Papiamentu Situashonnan ferfelu ku ta sigui reina na FEFFIK

Situashonnan ferfelu ku ta sigui reina na FEFFIK

Friday, 24 August 2007

Remco Gomez Pa basta tempu kaba frakshon di PAR den Konseho Insular ta tumando nota di e situashonnan ferfelu ku ta reinando na e instituto Fundashon pa Edukashon i Formashon di Fishi i Kapasitashon (FEFFIK). Problema entre direktor i personal, un direktiva ku ya no ta konsistí mas ku miembronan tripartit manera palabra, problema ku rekonosementu di diploma, posishon hurídiko di personal, supuesto uso di werkplaats pa finnan personal, falta di relato anual, muchanan ku a paga inskripshon i keda sin haña logá na skol i asina tin hopi ehèmpel mas. Mirando e balor grandi ku e institushon aki tin den formashon di hende, espesialmente pa esunnan ku a kai for di enseñansa regular, ta na su lugá ku frakshon di PAR kier klaridat riba tur loke tin di haber ku FEFFIK  i nos ta hasi uso di art.38 di reglamentu di órden (R.V.O) pa hasi Bestuurscollege (BC) e siguiente preguntanan : BC por a informá Konseho Insular ta bou di kua functionele dienst FEFFIK ta kai? BC por a informá  Konseho Insular kiko e ròl di e functionele dienst aki ta enkuanto FEFFIK ? BC por a informá Konseho Insular kual tur ta e kuentanan anual di FEFFIK ku no a ser entrega ainda ? BC por a informá Konseho Insular kual te e relato anualnan ki si e keda entrega i aprobá ? BC por a informá Konseho Insular kua ta e  studierichtingen ku FEFFIK ta ofresé ? BC por a informá Konseho Insular kuantu alumno tin pa kada richting ? BC por a informá Konseho Insular kuantu alumno FEFFIK tin en total ? BC por a informá Konseho Insular kuantu alumno te terminá FEFFIK tur aña i pa kua richting ? BC por a informá Konseho Insular ta kua te e slagingspercentage di FEFFIK den e último sinku añanan ? BC por a informá Konseho Insular kuantu dosente tin den servisio na FEFFIK ? BC por a informá Konseho Insular ku ta bèrdat ku tin personal di FEFFIK ku ta hasi mes un trabou  ku otro pero ta kobra ménos  ku otro? BC por a informá Konseho Insular ta ken ta forma e bestür di FEFFIK ? BC por a informá Konseho Insular  ku e ta na altura ku tin problema entre e direktor i e personal ? BC por a informá Konseho Insular  ku FEFFIK su presupuesto pa 2008 ta kla ? BC por a informá Konseho Insular  kuantu un alumno na FEFFIK ta kosta anualmente ? BC por a informá Konseho Insular  si FEFFIK ta kumpliendo ku e subsidieverordening ? BC por a informá Konseho Insular si FEFFIK ta teniendo kuenta ki pedida i demanda di merkado laboral enkuanto si richtingnan ku e ta ofresé? BC por a informá Konseho Insular kuantu sèn  di supsidio FEFFIK ta haña pa e reguliere trajekt i pa sociale vormingsplicht ? BC por a informá Konseho Insular kon FEFFIK su situashon finansiero ta na e momentu aki ? BC por a informá Konseho Insular ki invershon FEFFIK a hasi den Rust en Burg ? BC por a informá Konseho Insular si ta bèrdat ku e invershonnan aki a sali mas haltu ku loke a wòrdu palabra kontraktualmente ? BC por a informá Konseho Insular ta ki status e “proyekto”Rust en Burg “ei tin awendia ? BC por a informá Konseho Insular si ta bèrdat ku FEFFIK no ta draag loonbelasting af segun lei ? BC por a informá Konseho Insular enkuanto proseduranan ku tin pa responsabilisá kursonan komersial ? BC por a informá Konseho Insular kua ta e kursonan komersial ku FEFFIK ta ofresé ? BC por a informá Konseho Insular ku ta bèrdat ku tin problema ku rekonosementu di diploma di FEFFIK ? BC por a informá Konseho Insular kon e afdeling di Human Resources te funktiona ? BC por a informá Konseho Insular si ta bèrdat ku direktor a tuma personal den servisio sin konsulta ku direktiva ? BC por a informá Konseho Insular kuantu hende a wòrdu tuma den servisio e último sinku aña i kuantu a tuma retiro ? BC por a informá Konseho Insular ku ta bèrdat ku gerensia tin mas ku un aña sin reuní ku tim di maneho ? BC por a informá Konseho Insular enkuanto alegashonan ku ta tin ku e garage di FEFFIK ta wòrdu usa pa probecho personal di algun trahadó? BC por a informá Konseho Insular dikon diputado enkargá ku FEFFIK no a atendé na un reunion ku direktiva di FEFFIK ? BC por a informá Konseho Insular ken ta responsabel pa buska finansiamentu pa garantisá kontinuidat di FEFFIK ? BC por a informá Konseho Insular ku FEFFIK tin un maneho pa drecha e situashon finansiero di e instituto ? Remco Gomez

 

< Prev		Next >