PAR a organisá un eksitoso fundraising dia 26 di yanüari 2007.E Anochi Kultural a deleitá un i tur ku presentashonnan di e hóbennan di Danzarte Studio; Richardson Steelband, Trio Huasteca for di Aruba i grupo Isocco.

Lider polítiko di PAR, sra. Emily de Jongh-Elhage a dirigí su mes na esnan presente ku un spich konmovedor den kua el a splika kiko PAR ta para p'e i dikon partido ta pro e proposishon ku a negoshá ku partnernan den Reino. 'PAR lo sigui traha segun e mandato di pueblo. Ehekutando e resultado di e referèndem di 2005; esta perkurá Kòrsou bira outónomo den Reino. Fuera di un start sin debe, e Kòrsou nobo mester tin un nivel di edukashon haltu i bienestar sosial pa tur'.

Presentenan a saboriá un bufèt krioyo di kita sombré! PAR ta gradesí tur esnan ku a kontribuí pa hasi e anochi aki un éksito, sosteniendo PAR i asina salbaguardiando e futuro di Kòrsou ku nos yunan meresé.