M. Alcalá-Wallé
Den edishon di 8 di mart korant La Prensa a publiká kon Miembro di Konseho Insular pa frakshon di PAR Marilyn Alcalá-Wallé a hasi un apelashon riba gobièrnu di Kòrsou pa no pone e proyekto Rumbo pa Trabou un banda. Un ke otro en konekshon ku subimentu di onderstant i e manera ku a skohe pa paga pa e subida.
Riba su mes e idea pa purba yuda kobradó di ònderstant ta masha bon. Hamas mester sakrifiká e estímulo pa kuminsá traha pa nan mes gana nan pan di kada dia. E artíkulo ku La prensa a publiká ta sigui aki bou.
WILLEMSTAD - Miembro di Konseho Insular pa frakshon di PAR Marilyn Alcalá-Wallé a hasi un apelashon riba gobièrnu di Kòrsou pa no pone e proyekto Rumbo pa Trabou un banda. E idea pa purba yuda kobradó di ònderstant ta masha bon, pero mester stimulá nan tambe pa mas tantu posibel kuminsá traha pa gana nan pan di kada dia, asina Alcalá-Wallé a bisa na bispu di tratamentu di e tópiko aki.
Awe Konseho Insular ta kuminsá trata oumento di ònderstant den un reunion públiko ku a kuminsá awe mainta.
E intenshon ta pa oumentá e montante algu mas, di manera ku e por aliviá e situashon penoso ku e kobradó di ònderstant ta’den ya pa basta aña kaba.
Marilyn Alcalá-Wallé a bisa ku énfasis ku partido PAR ta pro pa oumento ònderstant. Nos no ta kuestionando esei, pero loke si nos ta bisa ta, ku no mester hiba e polítika konstante di duna e hende piská, pero trata mas tantu posibel di siñ’é piska, segun el a agregá.
Kòrsou na lòk bou di nubia skur
Alcalá-Walle a splika ku algun tempu pasá a entamá e trayekto Rumbo pa Trabou, ku ta un proyekto ku ta kai bou di “leerwerktraject”, o sea ku turesten bo ta trahando, bo ta siña tambe.
Esei ta nifiká tambe un entrada adishonal pa e kobradó di ònderstant, ku no solamente ta bai dilanti pues na entrada, pero tambe na su formashon personal.
Alcalá-Wallé a bisa ku ta mas ku korekto pa mantené e proyekto aki den ehekushon, pasobra ta un forma ideal pa gradualmente, saka e kobradó di ònderstant for di su situashon.
Fuente:
La Prensa 
