Djasabra 31 di mart Partido PAR ta marcha drenta Sta. Rosa, kuna di su Líder sra. Emily de Jongh-Elhage, ku akompañamentu di un Brassband.

Partido PAR ta invitá henter Pueblo di Kòrsou, pero muy en espesial Pueblo di Sta. Rosa i besindario pa djoin Emily i demas  28 kandidatonan riba lista pa huntu nos kana yega nos sup-Sede djis promé ku Paseata riba Sta. Rosaweg.

Riba programa pa e anochi speshal aki lo tin apertura ofisial di nos sup-Sede na Sta. Rosa,  pa despues skucha palabranan di nos Líder Polítiko sra. Emily de Jongh-Elhage.
Bin tende tambe pakiko tantu hoben a afiliá nan mes na Partido PAR, dikon nan ta riba lista di Partido PAR, kiko nan ta pensa di Slotverklaring, i pakiko nan ta kere ku pueblo mester vota pa PAR dia 20 di aprel.
 
Di Pariba lo hiba palabra Michel Kinburn, catcher di Sta. Rosa Indians, i Tony “Niet te Stoppen” Castro. Di Bandabou, Anthony Hollander i di Schelpwijk Evelia Hart, studiante na UNA.
Eugene Rhuggenaath, Remko Gomes, Steven Walroud i Malvina Cecilia tambe lo tei pa motiva e públiko presente pa vota bon i pa ban sigui un direkshon ku Emily.

Despues di e diskursonan ta sigui un tremendo show di  2 BRASSBAND.
Bin disfrutá di un tremendo kaminata, i un bon splikashon di nos kandidatonan.

Partido PAR ta reuní djasabra próksimo pa 17:30 or na Marchena Hardware na Sta. Rosaweg pa huntu nos marcha bai Sta. Rosa.

No pèrde e aktividat aki.