Konsiderando seriedat di e situashon ku Kòrsou ta aden, partidonan PAR, FOL i PNP a logra yega na un akuerdo di gobernashon den forma rápido pa asina ranka sali, pone man na obra, mas lihé posibel.

Komo partido ku a tuma inisiativa basá riba resultado di elekshon, PAR ke gradisí partnernan den gobernashon FOL i PNP pa nan aktitut konstruktivo durante di e kòmbersashonnan ku ta tras di lomba. Un palabra di gratitut spesial ta bai na Pedro Atacho pa su trabou komo (in)formador.

Elekshon pa konseho insular ta tras di lomba i resultado ta konosí. Partido PAR a resultá di ta e ganador apsoluto risibiendo un total di 20,836 voto.  Den ámbito komersial ta midi éksito den porsentahe di merkado ku kompanianan ta kubri. Pa loke ta polítika mester midi éksito den e porsentahe di pueblo ku un partido polítiko ta representá.

PAR ta hopi agradesido pa e konfiansa èkstra ku nos a haña e elekshon aki, kresiendo di 25.8% pa 28.0% di elektorado. E subida ta representá un kresementu ku 9%.

Sigui lesa pa mira e demas resultadonan.

Tin proposishon di lei kla kaba fo’i 2003 pa nos grandinan riba 60 aña keda sigurá na SVB.

 

Frakshon di PAR a manda karta na diferente okashon pa ministernan enkargá ku salubridat di turno mustrando ku nos frakshon tin hopi preokupashon pa nos grandinan su salú i bienestar. Un kantidat grandi di persona ta aserka nos frakshon ku e petishon ku nan kier keda sigurá na SVB na momento ku nan alkansá e edat di 60 aña.

Awor ku a kita e Lei di Verdonk pa ekspulsá hóbennan Antiano for di Hulanda fo’i mesa, a bira imperativo pa nos mes asumí responsabilidat pa nos mes muchanan.

 

Despues ku nos a sòru pa laga e lei enkuanto Formashon Obligatorio Sosial (Sociale Vormingsplicht) drenta na vigor, ta toka turno awor pa Parlamento aprobá e lei enkuanto adaptashon di Enseñansa Obligatorio (Leerplichtlandsverordening).