Willemstad- Frakshon di PAR den Konseho Insular no por kita for di e idea ku tin iregularidatnan ta tumando lugá den ofisinanan di Ban Bario Bèk.

 

Ya tin algun siman ku mas ku shen trahadó a tene un wèlga durante ora di trabou i kaminda nan a duna di konosé ku tin diferente iregularidatnan ta tumando lugá den e ofisinanan menshoná.

 

P’esei frakshon di PAR den Konseho Insular a pidi pa laga SOAB hasi un “Quick Scan” riba tèrmino korto pa determiná si esei realmente ta e kaso.

Hopi promesa tabatin di parti di e BC (MAN, LNPA, FOL, i MSL) aktual pa ku sierto asuntunan di importansha transendental. Entre nan ta figura prominentemente e promesa di un alternativa pa remplasá e slotverklaring.

 

Ta importante den esaki pa tene den mente ku e alternativa riba e slotverklaring aki, konkretamente mester enserá alternativa no solamente pa ku un struktura estatal nobo, pero tambe solushon pa e problema di debe, solushon pa esaki no por ripití mas den futuro, solushon pa e invershonnan nesesario den enseñansa, solushon pa ku insentivonan finansiero pa boost nos ekonomia, i solushon pa finansiamentu di e retraso sosial. Pa no papia mes di otro asuntunan ku tambe a keda akordá mas tempran den e trayekto.

Hesus sa tin yu di Kòrsou ku ketu bai, den siglo 21, gusta kulpa otro hende, kos òf sirkunstansha pa kos ku ta bai robes. Hopi biaha, si bo tin 2 plak’i sintí lo bo nota kuantu di loke bai robes ta bo mes falta. E bon notisia ta ku si ta bo mes falta bo mes tin e abilidat pa drecha loke a daña.

Laga nos tuma dos ehèmpel. No ta e skèr a kòrtabo. Ta bo mes a uza e skèr na un manera robes. No ta e piedra a dal bo, pero t’abo a dal bo pia den e piedra. Tantu e skèr komo e piedra ta opheto ku no ta hasi nada, te ora hende mishi ku nan.