|
Nos mes mester asumí responsabilidat pa nos muchanan |
|
Thursday, 12 April 2007 |
 Pedro Atacho Awor ku a kita e Lei di Verdonk pa ekspulsá hóbennan Antiano for di Hulanda fo’i mesa, a bira imperativo pa nos mes asumí responsabilidat pa nos mes muchanan. Despues ku nos a sòru pa laga e lei enkuanto Formashon Obligatorio Sosial (Sociale Vormingsplicht) drenta na vigor, ta toka turno awor pa Parlamento aprobá e lei enkuanto adaptashon di Enseñansa Obligatorio (Leerplichtlandsverordening).
E proposishon di lei aki ke logra pa: - hisa e edat máksimo di enseñansa obligatorio di 15 te ku 18 aña;
- baha e edat mínimo di enseñansa obligatorio di 6 pa 4 aña.
Di e manera aki nos ta asumí nos responsabilidat pa atendé ku nos hóbennan sin ku nan mester bira un karga pa otronan. Ademas nos mester sòru pa nos hóbennan ta esnan ku ta bin na remarke pa e alrededor di 1000 kupo di trabou den Horeca awor ku tin diferente konstrukshon di hotèl ta tumando lugá. Ku esaki nos ta sòru pa e kuponan di trabou wòrdu yena dor di nos yunan di tera enbes di stranheronan.  Vota PAR! Motibu pa kual ku Frakshon di PAR a pidi Presidente di Parlamento, Sr. Jean. Francisca, pa konvoká un reunion públiko di Parlamento ku e siguiente punto di agènda: "tratamentu di e lei enkuanto adaptashon di e lei di Enseñansa Obligatorio (no. 2514)." Frakshon di PAR ta ansioso pa trata e lei aki mas pronto posibel. |
