 Esnan kontra di slotverklaring te dia di awe no a produsí un plan alternativa ku ta inkluí tur bentaha enserá den slotverklaring. Pero esei no ta stroba nan di basha krítika, hopi biaha sin base.
Un punto ku nan ta insistí riba dje ta: "Slotverklaring lo pone ku Kòrsou mester traha por nada pa e otro islanan."
Firmando e slotverklaring kada isla tin su mes status ku su habitantenan a skohe p’e den nan referèndem. Esaki ta nifiká, ku si un isla ke koperá ku e otro a base boluntario, esaki lo mester bai kontra pago pa e servisio duná. Por ehèmpel: Den e slotverklaring tin pará ku si un isla mester di sèl di prison i e otro isla tin sèl disponibel, lo por pone esaki na disposishon di e isla konserní. Pero e isla mester paga pa kada dia ku usa e sèl ei pa e presu ku ta us’é. Ke men servisionan na otro lo keda duná kontra pago. Si mester di asistensha di polis por ehèmpel na St. Maarten, Kòrsou, den e kaso ku e tin polis disponibel pa bai, lo kobra St. Maarten, pa kada polis ku bai i pa e kantidat di dia ku e polisnan ta na St. Maarten. Den kaso ku Kòrsou duna asistensha na un di e isla chikitunan, e ora ei ta Ulanda lo paga pa e servisio ku a duna e isla chikitu konserní. Esaki ta loke a palabra den e slotverklaring!! Lesa mas kuenta di hada aki . . . |
Tokante Slotverklaring 
