E gobièrnunan di PAR tabata i ta un di esnan mas sosial di tur tempu. Sigui lesa i mira pa bo mes:
Gobièrnu di PAR, Miguel Pourier, a introdusí Lei di Labizjan, ku a hasi ku tur suidadano awe ta sigurá kontra malesanan króniko.
Gobièrnu di PAR, introdusí e lei riba seguro di famia, ku a hasi posibel ku famia (30,000 hende) di tur trahadó sigurá na SVB tambe por gosa di kuido médiko;
Gobièrnu di PAR, a sòru pa independisashon di e hende muhé bou di e areglo di Penshun di behes. Ku otro palabra e hende muhé por a haña su propio penshun di behes;
Gobièrnu di PAR, a sòru pa atraves di SOFNA traha 600 kas di pueblo èkstra, los for di esnan regular di FKP. Esaki a sòru pa un mínimo di 2400 hende por a haña un dak riba nan kabes;
Gobièrnu di PAR, a sòru pa a bini ku Reda Sosial i SOFNA ku a gasta 85 mion rònt Antia na proyektonan pa drecha bario, proyektonan di formashon, proyektonan di kuido, i proyektonan ekonómiko. Barionan ku a keda drechá ta barionan manera: St.Jago, Kanga, Dein, tambe a renobá Brion Plein, a drecha kantidat di skolnan ,kasnan di famia, Sentronan di Bario i fasilidatnan deportivo.
Gobièrnu di PAR, a sòru pa sigui ku e trabou di drecha bario nan;
Gobièrnu di PAR, a sòru pa FKP a introdusí un areglo kaminda hende por haña un fiansa pa por drecha nan kas, kaminda 2000 florin ta regalo;
Gobièrnu di PAR, a sòru pa kobradó di penshun di behes ku no tin ningun otro entrada adishonal, ku nan ta bai haña 100 florin èkstra pa luna;
Gobièrnu di PAR a sòru pa despues di dékadanan largu (ta 25 aña pasa bou di gobièrnu di Demokrat a lansa e idea di un brigada di desaroyo) di deskuido di nos hóbennan, ku a introdusí e lei riba Formashon soshal Obligatorio, ku ta hasi posibel ku tur hóben dropout entre 16 pa 24 aña, por haña un di dos oportunidat pa haña un edukashon
Gobièrnu di PAR, a instituí Wegenfonds ku ta e fondo ku ta wòrdu usa pa entre otro drechamentu di kaya.
Gobièrnu di PAR, a sòru pa kriminalidat baha ku 50% E kantidat di atrako den 2004 tabata 1100. David Dick a drenta komo minister di hustisia den 2005 i awe e kantidat di atrako ta alrededor di: 470
Vota PAR!
Gobièrnu di PAR a sòru pa
independisashon di hende muhé pa loke ta trata penshun di behes i belasting. Ántes e hòmber so tabata kobra penshun di behes, un montante di alrededor di ANG. 730,-. Awor tur dos ta kobra na momento di kumpli 60 aña kada un, un montante di alrededor di 650 florin pa luna. Esaki ta sin e 100 florin oumento di Teritorio Insular.
Gobièrnu di PAR, a sòru pa eliminashon o redukshon di belasting pa esnan ku un entrada abou.
Gobièrnu di PAR a introdusí bon gobernashon i a bini ku transparensha i organismonan di kontròl, manera SOAB i RST, pa kombatí i evitá korupshon i malgastámentu di plaka di pueblo.
Gobièrnu di PAR a re-introdusi weganan di Reino pa asina duna insentivo na nos hubentut pa kompetí na nivel di Reino. Alabes pa haña nos fasilidatnan deportivo drechá na nivel internashonal.
Gobièrnu di PAR a hiba un maneho pa evitá ku nos florin ta pèrdè su balor (devaluá) i di tal forma empobresé nos pueblo i hinka spesial personanan ku un entrada figo, manera penshonadonan, den problema serio.
Gobièrnu di PAR ku ayudo di IMF a drecha atministrashon finansiero di Gobièrnunan i perkurá pa awendia nos ta na altura ta kon situashon finansiero di pais realmente ta. Pues a eliminá e káos finansiero ku Gobièrnunan tabata aden, kual káos tabata promové mal gobernashon i korupshon.
Gobièrnu di PAR a sòru pa gobernashon mas efektivo atraves di privatisá i independisá servisio- i kompanianan di gobièrnu, banda di desentralisá departamentunan ku por funshoná mihó na nivel insular. Alabes a drecha kalidat di e servisionan ku pueblo tabata haña, sea direkto o via kompanianan di gobièrnu.
Gobièrnu di PAR a sòru pa nos pueblo por gosa di mas siguridat atraves di un kombatimentu efektivo di kriminalidat, spesialmente trafikashon di droga i labamentu di plaka. Esaki den kooperashon estrecho ku Hulanda (RST) i Merka (FOL).
Gobièrnu di PAR a introdusí un kantidat di lei riba tereno di enseñansa pa drecha i alsa kalidat riba e tereno aki. Entre otro a introdusí Edukashon Obligatorio (Vormingsplicht) pa nos hóbennan.
Gobièrnu di PAR a introdusí Papiamentu komo lenga ofisial.
Gobièrnu di PAR a introdusí leinan pa flèksibilidat di nos merkado di labor i drecha nos klima di invershon, pa abri mas posibilidat di trabou pa nos pueblo.
Ámbos gabinete YS i de Jong-Elhage a hasi lo máksimo pa redusí nos debe nashonal i krea di tal forma un mihó porvenir pa nos pueblo.
Vota PAR!
Gobièrnu di PAR
a introdusí e asina yamá Nieuw Fiscaal Raamwerk (NFR), kual ta e base pa awendia nos por negosiá ku tur pais pa logra tratadonan fiskal nobo. PAR algun aña pasá ya kaba a inisiá kòmbersashonnan ku Merka i Venezuela pa a base di nos NFR yega na areglonan fiskal ku e dos paisnan aki.
E kompilashon aki a wòrdu realisá ku ayudo di Marylin Alcala-Wallé, Mike Willem i Glenn Sulvaran.
