|
Wednesday, 31 January 2007 |
 Entregando Lista pa Elekshon pa Konseho Insular 2007 Apresiabel kosiudadano,Masha danki pa bo bishita na nos website renobá. Nos di Partido PAR ta hopi kontentu ku e konfiansa ku pueblo di Kòrsou a duna nos den e último elekshon. E biaha aki nos ta spera ku nos lo por konta ku ainda mas sosten. E elekshon benidero ta ekstremamente importante pa futuro di Kòrsou. Tin hopi asuntu ku no ta hañando debido atenshon riba nivel insular. Pensa riba edukashon, salubridat, vivienda, obra públiko i e guera kontra pobresa i kriminalidat. E akseptashon di e tan famoso “slotverklaring” lo duna nos e rosea finansiero nesesario pa nos por atendé ku nesesidat di pueblo riba e terenonan ya menshoná. Pa evitá desunion den gobièrnu ta importante pa e sosten pa PAR ta mas grandi posibel na e elekshon di dia 20 di aprel próksimo. Asina nos por limitá e kantidat di partido den gobièrnu ku de último añanan tabata fuente di instabilidat. Instabilidat ta stroba funshonamentu di gobièrnu. Un gobièrnu ku ta funshoná malu pa definishon no ta benefisiá pais.  Glenn Sulvaran Un pueblo, un direkshon, Emily! Glenn Sulvaran
Lider di kampaña di PAR |
