Página prinsipal  Papiamentu Pèrmit pa deporte riba karetera públiko
|
Pèrmit pa deporte riba karetera públiko |
|
Tuesday, 01 April 2008 |
 Remco Gomez
Nan a wòrdu informá ku no por otorgá pèrmit na e organisashonnan deportivo aki pa motibu ku no tin fondo pa paga polis over-time ora nan tin ku asesorá nos deportistanan den e enkuentronan aki. Kada aña ta vários aktividat deportivo(lokal) ku tin ta hasi uso di karetera públiko. Frakshon di PAR a komprondé ku karedanan internashonal si lo wòrdu asesorá pa polis.
Gobièrnu ta hiba un maneho pa stimulá nos hendenan pa move mas tantu pa asina promové nan salu i kombatí entre otro obesitas. E hecho ku no tin plaka pa asesorá nos deportistanan ta kontrali na e maneho ku gobièrnu ta hiba. Di otro banda tin e parti di kompetensia kaminda nos deportistanan tin ku kue eksperensia pa asina nan por representá nos di un manera digno den eksterior. Frakshon di PAR ta pidi atenshon di Bestuurscollege(BC) pa e problema aki i ta pidi BC pa huntu ku dirigentenan deportivo aki bini ku solushonnan kreativo mas lihé posibel pa e aña aki i den futuro asina nos hendenan por sigui praktiká deporte/kompetensia i hasi algu pa nan salu.
Hasiendo uso di art.37 di R.V.O Remco Gomez a hasi BC algun pregunta relashoná ku e problema ku a surgi aki :
- BC por a informá Konseho Insular si e ta na altura ku no tin fondo pa polis asesorá deportistanan riba karetera públiko ?
- BC por a informá Konseho Insular kuantu fondo tin reserva pa aña pa polis asesorá na aktividat deportivo ?
- BC por a informá Konseho Insular kon BC por garantisá ku aktividatnan kompetitivo por sigui ku koperashon di polis òf otro forma ku ta garantisá e deportistanan su seguridat den tráfiko ?
- BC por a informá Konseho Insular kuantu petishon sa tin pa aña pa hasi uso di polis enkuanto aktividatnan deportivo ?
- BC por a informá Konseho Insular kuantu kareda no a bai dor pa falta di fondo pa paga polis ?
|
|
|
