Djasabra dia 3 di mart, Partido PAR a start su kampaña pa hóbennan ku un grandioso RAP Kòntèst.

 

Tur e 8 partisipantenan a trese na un manera formidabel un RAP ku a kompetí pa bira e jingle di PAR pa aktividatnan den kampaña pa elekshon na aprel 2007.

 

Tambe tabatin un show di Breakdance, ku tabata úniko.
Sra. Emily de Jongh-Elhage, lider polítiko di Partido PAR, a dirigí palabranan bon eskohí na e públiko presente i despues a presentá u lista poniendo énfasis riba e hóbennan ku ta kompañ’é e elekshon aki. Un di nan ku ya tin algun aña den partido ku ta sr. Eugene Rhuggenaath, eks-diputado di finansa, tambe a tira un diskurso , motivando e hóbennan pa nan kòrda hasi uso di nan derechi di voto.

Mester bisa ku e anochi tabata sumamente bon organisá. Pabien na tur ku a partisipá i ku a hasi e anochi aki inolvidabel.
(Klek aki pa mas pòtrèt )

 

Letranan di Steven Meyer ku su RAP ganador ta lo siguiente:

 

Mi ta konfundí mi no sa ki pa hasi
No, no preokupá pronto nos lo ta klará
Mi ta konfundí mi no sa ki pa hasi
Kòrsou, no preokupá pronto nos lo ta salbá

Refran:
Ku señora Emily na timon
Keremi nos ta riba e way pe solushon
Huntu den union so nos por logra
Vota PAR pa Kòrsou su Viktoria

 

Rèp:
Un pueblo uní, un destinashon
Vota PAR pa e bon direkshon
No kobardiá, ni tampoko tambaliá
Pero bai stret pa bo por analisá
Pa seguridat den bo propio pais
Bo mester ataká e problema for di su rais
No pèrdè kabes, kòrda keda bo mes
Bai ku Emily, e ta traha na bo interes

 

Ref.:
Ku señora Emily na timon
Etc.

 

Rèp.
Nan a ninga slotverklaring sin ningun rason
Djis pa kapricho i ku mal intenshon
Nos pueblo por ta mansu, pero pueblo no ta bobo.

 

Nos no por laga di menshoná ku den e kategoria di mas Popular tabatin un empate entre STEVEN MEYER i e duo Rikart Libier/ Francis Lourens.

 

Un danki na tur ku a yuda hasi e anochi aki un éksito.