 M. Alcalá-Wallé E elekshon benidero ta un elekshon sumamente importante. Bo voto ta determiná kua rumbo nos ta bai. Un elekshon determinante ku ta bai fiha nos futuro! Futuro di Kòrsou! Emily de Jong-Elhage i su tim tin un vishon masha kla! Nos ta bai pa bienestar di pueblo. i nos tin un rumbo ya kla fiha, kaminda nos por realisá un status outónomo den Reino, kaminda nos por kuminsá ku un futuro no “fayit”, pero un futuro kaminda ku na momento ku nos optené nos status. Berdaderamente nos por traha riba bienestar di pueblo. Un status nobo, kaminda e pòtmòni no ta bashí, pasombra un pòtmòni bashí ta stroba e desaroyo ku nos tur ke. Manera nos lider a vosiferá na numeroso okashon, tur partido ku tin representashon den Konseho Insular, a hasi un apelashon dramátiko riba Hulanda pa yuda nos eliminá e debe mas tantu posibel, dor ku e debe tabata choka nos. Hulanda den promé instante no tabata sintié kómodo pa yuda nos disminuí e debe. Pero durante e proseso Hulanda mes tambe tuma nota i a ripara ku nos mes no por likidá e debe grandi di 5 miar sin otro esfuersonan. Un gran parti di e debe aki, esta 4 miar, ta debe ku partido PAR a heredá. Esei ke men, ku ora PAR a drenta gobernashon ya tabatin fls. 4 miar di debe. Di e 4 miar aki ta solamente fls. 2.3 miar tabata formalisá, esei ke men registrá di un forma ku tur hende sa di dje. Banda di esei tabatin debenan ku no tabata formalisá. Por ehèmpel debe bieu di fls. 600 mion ku tabata bon skondí! Fls. 400 mion habri na APNA ku gobièrnu no tabatin moda di paga, i tambe 700 mion entre diferente instanshanan gubernamental. Tuma bon nota: - si e debe ku mi a kaba di menshoná por a wòrdu resolvé, ta dikon ningun otro partido no a tuma e inisiativa pa kanselá e debe?
- si e debe no tabata choka nos, ta dikon TUR, pero TUR partido polítiko di Kòrsou a pidi Hulanda yudansa pa eliminá e debe kuantioso ei?
- si e debe no tabata choka nos, ta dikon TUR, pero TUR partido polítiko den e konferensha di mesa rondó riba 26 di Novèmber 2005 na Kòrsou, entre tur partnernan di Reino, kaminda tabatin delegashonnan di Hulanda inkluyendo Minister-presidente Jan Peter Balkenende, Aruba i Antia, i e islanan, tur partido di Kòrsou a bai di akuerdo, te asta riba papel, pa Hulanda yuda eliminá e debe?
- Es mas, na final di e konferensha di Mesa Rondó di novèmber 2005 nos tur a yega na akuerdo ku, i mi ta sita literalmente: De schuldpositie van het Land Nederlandse Antillen en de eilandgebieden van de Nederlandse Antillen vormt nu een obstakel om te komen tot een gezonde startpositie voor de eilanden van de Nederlandse Antillen. Gezamenlijk uitgangspunt is dat de nieuwe entiteiten in een gezonde startpositie komen. Een belangrijk onderdeel hierbij is de financiële huishouding die op orde is en die op orde blijft, dat is een belangrijk gezamenlijk uitgangspunt voor goed en deugdelijk bestuur en daar hebben burgers recht op. Ter voorkoming van nieuwe financiële problemen maken wij gezamenlijk afspraken over een deugdelijk begrotingsbeleid, het op orde brengen van het financieel beheer, een effectief toezichtskader”
- Korto tradusí esaki ta enserá ku e debe ku nos tin na e momentonan aki ta forma un opstákulo enorme pa realisá un start real pa Kòrsou outónomo den Reino. Pues punto di salida tabata ku huntu i konhuntamente a yega na palabrashonnan i huntu nos tin ku realisá nan di moda ku por yega na un Kòrsou outónomo den Reino.
- Den yanüari Konseho Insular a aprobá un presupuesto ku un défisit grandi atrobe. Esei ta enserá ku e gastunan ta muchu mas ku entrada. Si nos mes por a solushoná e debe dikon a aprobá un presupuesto ku un défisit di e taya ei? Dikon no a buska solushon pa e défisit? Te hasta ta mustra ku e défisit di e aña aki ta surpasá fls. 100 mion.
- Pasobra laga nos ta sinsero, un status outónomo, nos por realisá. No ta esei ta e problema mayor. E problema mayor ta, kon ta likidá e debe di moda ku berdaderamente por haña espasio pa por invertí den mas kas pa pueblo, mas trabou, mas espasio pa muchanan por bai skol, mas espasio pa hasi na kinderopvang/ alohamentu pa boso yunan, mas kancha pa deporte, etc etc.
- PAR ta un di e partidonan ku a bini ku solushon konkreto pa abo pueblo, sin ku mester bini mas medida i sin ku mester bende ningun patrimonio nashonal. Alabes abo ta keda den Reino, i bo ta mantené bo pasaporte Hulandes- Oropeo. Esei PAR ke garantisá!
Partido PAR ke pa nos krese huntu, siña huntu, kuida huntu, konstruí huntu i prosperá huntu.  Ban ku Emily! Ban pa Emily! |
