Awe tabata otro dia  pretu den nos demokrasia parlamentario  na momento ku  Minister Constansia  a duna òrdu na gerensia di Banko di Seguro Sosial(SVB) pa bandoná e edifisio di parlamento di manera ku nan no por a partisipá na un reunion  ku Parlamento a konvoka pa haña informashon riba e diferente fondonan ku ta kai bou di  responsabilidat  di Banko di Seguro Sosial.

Tabata un reunion pidi netamente pa haña informashon tékniko riba entre otro e fondo di penshun i e fondo di gastunan di malesa , ku ta asina tantu den diskushon i ku ta un punto di preokupashon pa henter komunidat.

Awe parlamento di Kòrsou tabatin un reunion públiko den kua tabatin deliberashon ku e futuro minister di Enseñansa, Siensia, Kultura i Deporte, señor Carlos Monk, riba e tema ‘situashon den nos enseñansa i deporte ta deteriorá’.

Desaroyo di nos muchanan ta di suma importansia. Komo hende nos mester ta orguyoso i hasi máksimo uso di e echo ku nos por distinguí nos mes di otro espesie paso nos tin konsenshi, por desaroyá nos mes, por distinguí malu di bon, por medio di nos inseguridat i duda bringa pa nos metanan, dominio propio, dil ku depreshon i sigur iritashonnan.

Despues di a traha inkansablemente riba un maneho koherente di kultura na Kòrsou, kaminda den tur skina ku nos tabata drenta nos por a lanta nos kara i biba nos kultura, últimamente pueblo di Kòrsou a bin ta notando ku pa mas ku un aña i mei e atenshon pa kultura a bin ta hañando ménos atenshon di gobièrnu. Es mas, un i tur por nota ku despues di un periodo di hopi konsientisashon di nos kultura i nos balornan kultural, kontinuamente no tin fondonan pa kultura, miéntras ku pa otro aktividatnan ku no direktamente ta na benefisio di pueblo SI tin fondonan disponibel.

Entrante aprel diferente proyekto di lei pa redusí gastu riba tereno di entre otro salu públiko, penshun di behes, importashon di remedi i asuntunan di personal mester a keda presentá pa Gabinete Schotte i aprobá pa Parlamento. Esaki tabata nesesario pa por atendé ku fondonan presupuestá ku mester bira disponibel pa finansiá proyektonan na interes di komunidat manera entre otro konstrukshon di e hospital nobo, mantenshon di skolnan i sèn pa deporte.

Den luna di desèmber aña pasa frakshon di PAR a bisa gobièrnu den Parlamento durante tratamentu dje presupuesto 2012 ku e promesanan hasi na “College Financieel Toezicht” (CFT) ta irealístiko.

Nos a tuma nota ku atrobe  partido Pueblo Soberano a kambia minister. Señornan Girigorie i Rosalia, Señora Willems   a bai dilanti i awor señor Lionel Jansen ta na bùrt.

Ta inkreibel loke ta pasando na e momentonan aki pasobra no solamente  ta bini un otro persona pa  bira minister pero tambe  awor ta bini aserka , un otro fenómeno , esta esun di “baile di stul den gobernashon”. Es desir Minister Monk  ku no ta prestando tampoko den e kartera di Gobernashon , Planifikashon i Servisio  lo tuma e kartera di enseñansa over for di  Minister Jansen i un otro persona lo bai ehersé su funshon.

For di 1 yanüari 2011 te ku fecha di e karta aki, frakshon di partido PAR den parlamento di Kòrsou na diferente okashon a manda karta i rekordatorio via di Presidente di Staten di Kòrsou  pa  diferente minister di gabinete Schotte . Frakshon di PAR ta manda karta pa gobièrnu asina ku tin un  señal for di komunidat ku tin un punto di preokupashon òf  pa nos por haña informashon en general riba un tópiko den kuadro di  e trabou di kontròl riba gobièrnu  pa asina nos por  komprondé un sierto tópiko mihó.

For di yanüari 2011 te ku  febrüari 2012  e frakshon a manda bastante karta pa tur minister di gabinete Schotte ku pregunta riba diferente tópiko i  ku ta toka tur área di gobernashon.